حلم عمرى

حلم العمرحلم جميل أكيد ان شاء الله حيتحقق
 
البوابةالرئيسيةدخولالتسجيل
من حقى احلم ومن حقك تحلم من حقنا كلنا نحلم , احلم على قد ماتقدر احلم زى متحب الاحلام من غير حساب من غير فلوس من غير تمن احلامنا من غير حصار من غير قيود , المهم ان انت تحلم و تحاول تحقق حلمك اوعى تسلم او تيأس او تتنازل عن حلمك , دة اللى يتنازل عن حلمه يتنازل عن حقه فى الحياه ....

شاطر | 
 

 سي السيد بقي ست البيت

اذهب الى الأسفل 
كاتب الموضوعرسالة
حلم
Admin
avatar

عدد المساهمات : 93
تاريخ التسجيل : 10/09/2009
العمر : 38

مُساهمةموضوع: سي السيد بقي ست البيت   الأحد سبتمبر 13, 2009 1:30 pm

هل تخيل حد فيكم الوضع اذا كان سى

السيد راجل حنون,, رقيق،، شهم معزوجته واولاده..(شورررررررتها)

انا تخيلت:

سى السيد:

مساء الخير يا امينة من فضلك تحضريلى
الاكل عشان جاى تعبان من الشغل .

امينة:

اولا:اسمى ست امينة , مش
امينة كده حاف.
ثانيا:مفيش اكل لانى اتغديت فى النادى
انا والعيال وانا لما بكون شبعانه مابعرفش اطبخ
ثالثا:ياروح الروح كنت تخلى اللى انت
جاى من عندها وش الفجر تعملك السم ولا انت فاكرنى خدامة يورفازر..اوفففففف

سى السيد:

خلاص يا ست امينة انا اسف اخر مرة اطلب اكل.
تب ممكن تندهيلى العيال اسلم عليهم عشان وحشونى
وفى سره .(يشلوكى على نقاله يامينه)

امينة:

عيالى ياحبيبى مابيسلموش على حد ومش
فاضيين دلوقتى.البنات بتبص من الشبابيك على
اللى رايح واللى جاى ,والولاد قاعدين على القهوة
بيعاكسوا البنات الى رايحة واللى جاية.طلبات
تانيه ياسوسو..

سى السيد(والدمعة هتفر من عينه) :

لا يا قويه يا مفتريه اهئ اهئ
هبعتك عند ماما .هه بس

امينة:

يامامى انا خايفة اوى,اغمن عليا ,اغمن عليا
خش نام ياللا وبلاش كلام فاضى ,
انا اروح لماما وقت مايعجبنى
واللى مش عاجبه عنده القلة يشربها
ويبلع بالزير...فاااهم

فى اليوم التالى:

سى السيد ينتظر فى الشباك امينة لما ترجع
من مسرحيه(كشكش بيه)
ويسمع صوتها اتيا من بعيد فيهرول(ياربى ميكلهاش
تورماى وهى جايه) حاملا لمبة الجاز لكى يضئ لها الطريق.

امينة:

ايه اللى مسهرك يا سوسو انا مش قلتلك
تنام انت عشان انا هتاخر بتسهر انت
اليومين دول وحالك
مش عاجبنى ياسيسى
سى السيد:

معلش يا ست امينة انا قلت برضه يمكن تحتاجى
حاجة كده ولا كده

امينة:


تيب .. تيب مش عايزة ابوظ الليلة بئى
متوجعش دماغى ياسوسو
وانا الصبح حكيلك المسرحيه كلها..اوك

سى السيد:

ربنا يخليكى ويحميكى ومايحرمنيش من دخلتك عليا
الساعة واحدة بعد نص الليل يامراتى يا حبيبتى يا جميله.

امينة تضحك ثم تدخل لتنام وتصفق الباب فى وجهه


فى اليوم اللى بعد التالى:


امينة فى فترة المساء والسهرة
مخاطبة سى السيد:

اعمل حسابك ياسى سى,ان فى
عريس جاى لعائشه بكره

سى السيد:

مين ياترى..لو كان يعنى من حقى اسال

امينة:

الواد الظابط ده اللى كانت بتعاكسه من
الشباك مش فاكره يا سيكو

سى السيد:

الواحد حيفتكر ايه ولا ايه يا ست امينة على
العموم لو انت شايفاه كويس خلاص
الشورة شورتك.

امينة:

خلاص نتكل على الله ونخلى الفرح
فى نفس يوم فرح خديجة

سى السيد:

ايه ده!هى خديجة بنتى هتتجوز
مبروك الف مبروك

امينه:عقبال ولادك يا ساسو

يوم الفرح:

امينة تستقبل الراقصات وترحب بهن وياتى
سى السيد ليمارس هوايته المحببه, ان
يحاول ان يكون رجلا:

-ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى
غرف تبديل الملابس ثم تعود متجهمة
الى سى السيد قائلة:
اعمل حسابك انك بعد الفرح حتروح لمامتك
لغايه ما ابعتلك العيال ياخدوك..مفهووووم

علشان تبئى تقول بيتى دى تانى..رجاله اخر زمن..

وبعد الفرح تم ترحيل سى السيد الى
منزل والدته ومازال ينتظر ان تبعث له
امينه بالاولاد كى يعيدوه الى بيته..



اه لا مؤاخذه ...بيتها


هههههه
الرجوع الى أعلى الصفحة اذهب الى الأسفل
riri250
عــضـــو جــديـــد


عدد المساهمات : 15
تاريخ التسجيل : 21/09/2009

مُساهمةموضوع: رد: سي السيد بقي ست البيت   الأربعاء سبتمبر 23, 2009 11:25 pm

حلوة اووي وتخيلوا لو كان العكس الظلم واقع عليها ازاي
شفتوا ازاي الست كانت بتعاني من الظلم والذيكتاتورية الراجل سي سيد
الرجوع الى أعلى الصفحة اذهب الى الأسفل
 
سي السيد بقي ست البيت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حلم عمرى :: فــــــــــــرافــيــــــــــش :: خمسه فرفشه-
انتقل الى: